Nëna e Cristiano Ronaldos, Dolores Alveiro, i ka dalë në mbrojtje të birit, i cili akuzohet se ka përdhunuar një modele në Shtetet e Bashkuara të Amerikës. Ajo tha se ka një besim mjaft të madh tek i biri i saj dhe se nuk beson që ai ta ketë kryer një veprim të tillë.
Kathryn Mayorga ka ngritur një padi ndaj sulmuesit të Juventusit dhe të Portugalisë dhe autoritetet amerikane po e hetojnë me imtësi këtë çështje.
“Unë e di çfarë djali kam. Ajo vajzë që ka ngritur këtë padi nuk shkoi në dhomën e hotelit të tij për të luajtur letra. Sigurisht që shkoi aty për të bërë diçka”.
Ngjarja ndodhi në vitin 2009 në Las Vegas, ku CR7 ndodhej për pushime. Madje akuzuesja deklaroi se ajo u detyrua që të nënshkruante një kontratë për heshtjen e saj, për të cilën u pagua me 290 mijë sterlina.