Gjykata e Pogradecit ka caktuar sot masën e sigurisë arrest me burg 40 ditor për 46-vjeçarin nga fshati Vërdovë, Blerim Bizgjoni, i cili ka abuzuar seksualisht me një vajzë të mitur nga po i njëjti fshat.
Blerim Bizgjoni nuk ka pranuar akuzën madje ai është shprehur se gjithë kjo histori është sanuar nga familjarët e 14 vjeçares.
Blerim Bizgjoni ka detyruar duke e kërcënuar vajzën për të kryer marrëdhënie në banesën e tij, nga ku e mbante prej gati 2 vitesh.
Qëllimisht 46 vjeçari i është afruar familjes së vajzës prej shpërnguljes në këtë fshat duke kërkuar domosdoshmërisht kujdestarinë e saj pasi familja e saj jeton në kushte të vështira ekonomike e gjithashtu njëri prej prindërve vuan nga sëmundja e shëndetit mendor.
Vajza ka dhënë dëshminë e saj para policisë nga ku ka rrëfyer se 46-vjeçari ka abuzuar seksualisht me të në mënyrë të përsëritur edhe duke e dhunuar fizikisht.
Për mediat ka folur edhe nëna e saj duke u shprehur se kërkon drejtësi pasi familjen Bizgjoni e kishin të besuar dhe u a kishin besuar vajzën e tyre.
Sot seanca u mbajt me dyer të mbyllura për shkak të masave AntiCovid.