Një aksident ka ndodhur në aksin e vjetër rrugor Panaja–Vlorë, pranë vendit të quajtur “Shamogjin”, ku një automjet i markës Hundai ka dalë nga rruga.
Sipas informacioneve, makina ka dalë nga rruga dhe si pasojë ka humbur jetën shoferi 55 vjeçar me iniciale F. H., banues në fshatin Mifol të Vlorës.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave dhe shkakut të aksidentit.