Një emigrant algjerian është arrestuar nga policia pasi prishi qetësinë publike dhe kërcënoi me thikë pronarin e një lokali në rrugën “Ibrahim Rugova” në ish-bllok.
22-vjeçari do të akuzohet për veprën penale ‘prishje e qetësisë publike’, dhe për ‘kanosje’.
Ndërsa janë arrestuar dhe tre shtetas të tjerë të cilët akuzohen për dhunë ndaj bashkëshorteve, por edhe për kanosje me thikë e drejtim të mjetit në gjendje të dehur.
Njoftimi i policisë:
Arrestohen në flagrancë 4 shtetas, për vepra të ndryshme penale. Specialistët për Hetimin e Krimit në Komisariatin e Policisë Nr. 3 bënë arrestimin në flagrancë të shtetasit algjerian T. T., 22 vjeç (endacak), pasi në rrugën “Ibrahim Rrugova”, në lokalin në pronësi të shtetasit S. H. ka prishur qetësinë publike dhe ka kanosur me një mjet prerës (thikë) pronarin e lokalit, shtetasin S. H. Në cilësinë e provës materiale u sekuestrua thika. Po nga specialistët për Hetimin e Krimit në Komisariatin e Policisë Nr. 3 u bë arrestimi në flagrancë i shtetasit N. B., 55 vjeç, pasi ka ushtruar dhunë fizike ndaj bashkëshortes së tij. Specialistët e Qarkullimit Rrugor bënë arrestimin në flagrancë të shtetasve: I.F., 28 vjeçe dhe I. E., 47 vjeç, pasi u kapën në flagrancë duke drejtuar mjetet përkatëse në gjendje të dehur. Materialet i kaluan Prokurorisë së Rrethit Gjyqësor Tiranë, për veprime të mëtejshme.