Tensionet në Mesdhe mes Greqisë dhe Turqisë po rriten nga dita në ditë.
Pas kushtit të Greqisë për të mos u ulur në tryezën e diskutimeve pa tërhequr anijet nga deti Turqia, ka ardhur reagimi kërcënues i Presidentit turk, Recep Tayip Erdogan.
Ky i fundit ka deklaruar sot se nuk do të lejojë askënd të burgosë në brigjet e saj Turqinë dhe se nuk do të përulet para shantazheve.
“Nuk do të lejojmë askënd të burgosë në brigjet e tij vendin tonë, i cili ka vijën më të gjatë bregdetare në Mesdhe. (Në Mesdheun Lindor) Pavarësisht provokimeve, sjelljeve fëmijërore të palës përballë, ne gjithmonë kemi vepruar me dinjitet. Nga bashkëbiseduesit është kuptuar çështja se gjuha e kërcënimit nuk funksionon, se Turqia nuk përulet ndaj shantazheve”, ka thënë Erdogan.