E dimë që disa çanta të cilat një sezon, apo disa sezone më parë i keni dashuruar, tani mund të kenë mbetur në një cep dollapi pasi joshja thjesht është konsumuar. Por nëse na dëgjoni neve hidhini dhe një sy, sepse me shumë mundësi mund të keni ndonjë model që do të jetë sërish IN këtë sezon…Dhe nëse nuk e keni një tillë atëherë do t’ju duhet të gjeni një justifikim për të dalë e për të bërë shopping, pasi 4 trendet e çantave që krijuesit e stilit sugjerojnë për vitin 2019 janë këto:
Çantat praktike të lidhura në mes ose në shpinë: Mund t’i marrësh me vete kudo dhe kurdo, pa të krijur asnjë bezdisje apo lodhje. Çantat të lidhura në brez po cilësohen çdo ditë e më shumë si më komodet dhe kërkesa për to sa vjen e po rritet. Në fillim çanta të tilla lindën si një stil rruge, por tani gjithcka ka ndryshuar. Ky model aksesori po kthehet në një stil i sofistikuar i modës. Të krijuara për të patur rehati dhe stil; nëse në garderobën tuaj nuk ndodhet një çantë e tillë, atëherë vraponi për shopping.
Çantat “Vintage”:Nuk mendojmë se ka dhe do të ketë ndonjë periudhë kur ‘vintage’ të mos jetë në modë! Stilistët gjithmonë kthejnë stilet e vjetra duke i pasuruar dhe përshtatur për kohën, ndaj edhe tek çantat e këtij sezoni, ky term do të gjejë gjerësisht përdorim. Bëhet fjalë pët modelet e pakohë, si çantat me lëkurë krokodili, apo pitoni. Edhe nëse nuk do të shpenzoni shuma marramendëse për lëkura të vërteta krokodili apo pitoni, industria ka përparuar aq shumë sa mund të gjeni edhe imitime të mira.
Ngjyra të forta: Për guximtaret por jo vetëm, ky sezon pranon më së miri çantat me ngjyra të ndezura si portokalli, neon, blu apo të kuqe…Dizajnerë si Chanel, Fendi etj kanë ngjyrosur guximshëm çantat e tyre këtë sezon duke e kthyer në një trend për vitin 2019. Jeni e guximshme? Epo ju duhet një çantë e tillë!
Forma gjeometrike: Mund të duket e çuditshme të mbash në dorë një kuletë-çantë në formë trapezi, por sipas Schafer duhet ta mendoni edhe një herë nëse nuk ju duket e përshatshme. Format gjeometrike janë një trend për askesorët e dorës këtë sezon, qoftë edhe forma të ekzagjeruara. /Bordo/