Në intervistën për DW në Berlin, Kryeministri Rama ka folur edhe për propozimin që ka bërë deputeti norvegjez që presidentit të SHBA-së, Donald Trump t’i jepet Çmimi Nobel për Paqen.
Rama është shprehur se nuk i takon atij që ta përcaktojë fituesin, por ky vendim i takon komisionit të Çmimit Nobel.
“Këtë e di komisioni i Çmimit Nobel, unë mendoj që nuk më takon mua të përcaktoj rezultatin e gjithë analizës që do të bëjë komisioni i Çmimit Nobel.”– ka thënë Kryeministri Rama.
Kjo pyetje vjen vetëm pak javë pasi Presidenti amerikan, Donald Trump u nominua për Çmimin Nobel për Paqe pas dy marrëveshjeve historike në Shtëpinë e Bardhë në Uashington, përfshirë edhe marrëveshjen Kosovë -Serbi më 4 shtator.