Ministrja për Marrëdhënien me Parlamentin, Elisa Spiropali dhe deputetja e LSI-së, Silva Caka janë përfshirë në një debat me njëra – tjetrën, duke kaluar dhe në ofendime personale.
Siropali, njëkohësisht edhe zëdhënëse e Qeverisë, i është drejtuar deputetes së LSI, duke e quajtur atë si “llaxore”.
Por pas kësaj deklarate, deputetja e LSI-së ka kërkuar të replikojë me ministren, por Vasilika Hysi ka hezituar ti japë fjalën.
“O Vasilika për hire të profesionalizmit, mos më trego mua se çfarë është replika. E re jam por e di shumë mirë. Sa i takon Elisa Spiropalit, që m’u drejtua me fjalën “llaxorja e fundit”, Elisë e dashur nuk më intimidon dot. E para sepse nuk e ndjej veten në atë kategori dhe e së dyti, marr parasysh se nga kush më vjen kritika. Sillu siç të ka hije, si nënë, si grua e pastaj edhe si deputete e ministre, mos bëj ato që një zotëri të vë përpara, e të thotë se çfarë të thuash”, u shpreh Caka.
Ndërsa më herët, deputetja Oriola Pampuri, bëri thirrje që Elisa Spiropali të kërkojë ndjesë publike për këtë fjalë.