Kryeministri grek Aleksis Cipras në një intervistë për median turke TGRT, është shprehur se Turqia dhe Greqia afrojnë shumë.
Media turke publikoi një pjesë të intervistës që do të transmetohet të dielën ku ai flet për marrëdhëniet greko-turke dhe zbulon se gjyshi i tij kishte lindur në Konstandinopojë.
“Sot është një ditë e mirë për marrëdhëniet greko-turke. Kam vizituar Halkiun, ku takova shumë turq që ishin shumë miqësorë me mua. Unë besoj se ky është mesazhi i dërguar ndërkombëtar, që ne mund të lëvizim së bashku pa frikë apo urrejtje. Mendoj se duhet të vazhdojmë me punën e Shkollës Theologjike të Halki, ne duhet të ndërmarrim hapa të rinj. Është një hap i rëndësishëm për të jetuar së bashku dhe të bëhet simbol i marrëdhënieve të ngushta dhe miqësore të popullit turk dhe grek”, ka thënë ai.
Cipras foli për një kulturë të përbashkët mes dy vendeve. “ Unë mendoj se në këtë fushë kemi një kulturë të përbashkët, muzikë, tinguj, kuzhinë dhe shije. Për shembull, gjyshi im lindi këtu në Konstandinopojë. Dua të them që kemi shumë ngjashmëri. Ne kemi gjuhë të ndryshme, por kemi një kulturë të përbashkët. Pra, ne duhet të jetojmë në mënyrë paqësore dhe miqësore mes nesh, “tha kryeministri.
Kryeministri theksoi se BE duhet të mbështesë Turqinë. “Turqia pret katër milionë refugjatë. Ndihma e Turqisë për refugjatët, në aspektin e strehimit dhe ushqimit, është shumë e rëndësishme. Dhe në Greqi ka më shumë se 70,000 refugjatë. Kryesisht situata në pesë ishujt tanë në Egje është kritike. Kjo është arsyeja pse në nivel të BE-së kam bërë shumë përpjekje, “vuri në dukje ai.
Unë jam duke u përpjekur, tha Cipras. në nivel të BE nga homologët e mi në gjetjen e mbështetjes për këtë çështje, si për ne dhe për Turqinë.