Presidenti amerikan Donald Trump ka kërkuar që sfiduesi i tij demokrat për zgjedhjet e 3 nëntorit, ish-nënpresidenti Joe Biden, të bëjë testin për drogë para ose pas debatit të tyre, të martën në mbrëmje. Sipas Trump, Biden është i droguar dhe se këtë gjë e kanë treguar paraqitjet e tij në debatet e mëparshme politike.
“Unë kërkoj me forcë që “gjumashi” Joe Biden të kryejë testin për drogë para ose pas debatit të së martës në mbrëmje. Natyrisht që edhe unë pranoj që ta bëj një të tillë gjithashtu. Prezantimi i tij në debate ka qenë rekord për sa i takon të qënurit jo i njëtrajtshëm, për ta thënë në mënyrë të butë. Vetëm barnat mund ta kenë shkaktuar këtë gjendje???”- shkruan Trump në Twitter.
Prej vitit të kaluar deri në 2020, zoti Biden u përfshi në një varg debatesh me pretendentë të tjerë demokratë për fituar emërimin e Partisë Demokrate si kandidat për president. Disa herë ai doli dobët gjatë debateve me 10 kandidatë të rreshtuar së bashku në një podium.
Presidenti Donald Trump është shprehur shumë herë se ka dyshime mbi mprehtësinë mendore të Biden. Ky i fundit ka bërë thjesht ironi me deklaratat e Trump.
Trump dhe Biden do të debatojnë tre herë, duke filluar me debati 90-minutësh të së martës të moderuar nga gazetari i Fox Neës-it, Chris Ëallace në qytetin e Klivlendit në shtetin Ohajo. Ata do të përballen teksa do të diskutojnë në lidhje me ekonominë, çështjen e Covid-19, Gjykatën e Lartë me emërimin e juristes konservatore Amy Coney Barrett, etj.