11 emigrantë sirianë dhe shoferi kanë qëndruar për orë të tëra brenda një automjeti të vogël të llojit “Wolkswagen”. Ata po ndiqeshin nga policia e Elbasanit, pas zbulimit të shoferit në rrjetin e trafikut të klandestinëve dhe kanë ndaluar në hyrje të qytetit të Elbasanit në rrugën Elbasan-Librazhd.
Nga pamjet e publikuara nga InfoElbasani, befas në anë të rrugës dalin nga makina jo 3 apo 4 persona, por plot 12 vetë. Pasi makina me emigrantë zbrazet, shihet se në autostradë kalon policia që po i ndiqte.
Makina niset sërish për rrugë, por sipas medias që ka publikuar videon, shoferi është kapur disa metra më larg dhe ndaj tij është ngritur akuza e transportimit të paligjshëm të emigrantëve.