Alban Bushi, trajneri i përfaqësueses Shpresa dhe me një të kaluar në radhët e Tiranës si lojtar i bardhebluve, mendon se skuadra shqiptare ka një shans që duhet ta shfrytëzojë për të kaluar Jang Bojz në Ligën e Europës, edhe pse nuk njeh superioritetin e zviceranëve.
I ftuar në “Rubrika Sportive”, Bushi ka treguar se sipas tij, Tirana ka dy avantazhe në krahasim me ekipin zviceran për këtë duel historik.
“Tirana ka dy pluse. Një është se është ndeshje teke, luhet në 90 minuta gjithçka. E dyta është se luhet pa tifozë. Me çfarë kemi parë këto kohë gjatë pandemisë, ekipet e mëdha në ndeshjet pa tifozë nuk motivohen shumë, ekipet e vogla e shohin si armë të fortë e mobilizohen me shumë. Nëse Tirana shënon një, atyre u duhen dy për të evituar shtesat. Tirana duhet të luajë me këtë fakt.
Nëse i përballesh ballë për ballë, ata janë të forte. Por të shpresosjmë në një ditë të keqe të tyre e një të mirë të Tiranës”, tha Bushi.