Më shumë se 1 milionë njerëz kanë humbur jetën për shkak të koronavirusit në të gjithë botën. Zëdhënësja e OBSH-së, Margaret Harris tha në një konferencë t ëmartën se “është një moment historik i trishtueshëm”.
“Shumë njerëz kanë humbur kaq shumë të afërm dhe nuk kanë pasur mundësinë tu thonë lamtumirë. Shumë njerëz vdiqën të vetëm… është një vdekje jashtëzakonisht e vështirë dhe e vetmuar” tha ajo.
Por dr. Harris shtoi se ka ende shpresë. “E vetmja gjë pozitive për këtë virus është se është i shtypur (nuk ka trajtën e zakonshme), nuk është grip”.