Moti i paqëndrueshëm i këtyre ditëve pritet të ndryshojë rrënjësisht në vijim teksa do të ketë rritje temperaturash në fundjavë.
Në fakt janë mediat greke që bëjnë të ditu se rajoni do të përshkohet nga rryma ajri të nxehta me origjinë nga Afrika e Veriut, të shoqëruara edhe me rërë.
Përpos Greqisë, kjo do të ketë edhe një efekt në Shqipëri duke sjellë temperatura 10 gradë më lartë se normalja.
Efektet maksimale do të jenë gjatë të shtunës dhe të dielës ku moti do të tregojë një fytyrë krejtësisht tjetër nga ajo e ditëve që sapo kaluam.
Ditët e freskëta duket se do t’ia lënë radhën temperaturave të larta, një moti i pazakontë ky duke qenë se fundjava shënon edhe fillim tetori.