Nexhmije Hoxha, një nga figurat që kanë pasur një rol të madh në historinë e Shqipërisë e që ka sjellë mjaft debate në vend, vazhdon të jetë në vëmendjen e opinionit publik. Gjithashtu, pavarësisht se shpesh nëpër media aludohet lidhur me shëndetin e saj, vejusha e diktatorit që udhëhoqi për rreth 50-vite Shqipërinë vijon të gëzojë shëndet të plotë.
Nusja e djalit të saj, Teuta Hoxha është ajo e cila e ka rikthyer në vëmendje Nexhmie Hoxhën e cila përmes një statusi në Facebook uron vjehrrën e saj me rastin e ditëlindjes.
“Sot për familjen tonë është një ditë e veçantë, 98-vjetori i datëlindjes së Nexhmije Hoxhës”, shkruan Teuta Hoxha përkrah një fotografie të hershme të Nexhmijes me bashkëshortin e saj Enver Hoxhën.
