Presidenti i SHBA-së, Donald Trump ka dalë pozitiv me koronavirus, duke iu bashkuar një grupi të vogël të liderëve botërorë të cilët janë infektuar me këtë virus.
Sipas mediave të huaja, Trump është 74 vjeç, duke e vënë atë në rrezik më të lartë të komplikimeve serioze.
Por kush janë udhëheqësit e tjerë që janë infektuar?
Boris Johnson
Kryeministri britanik ishte udhëheqësi i parë i lartë botëror i konfirmuar të ketë COVID-19.
Ai u zhvendos në kujdesin intensiv në prill pasi simptomat e tij të virusit u përkeqësuan në mënyrë dramatike një ditë pasi u shtrua në spital për ato që quheshin teste rutinë.
Atij iu dha oksigjen, por nuk kishte nevojë për një ventilator, thanë zyrtarët.
Johnson më vonë shprehu mirënjohjen e tij për stafin e Shërbimit Shëndetësor Kombëtar për shpëtimin e jetës së tij.
Jair Bolsonaro
Presidenti brazilian njoftoi për sëmundjen e tij në korrik dhe e përdori atë për të “promovuar” publikisht hidroksiklorokinën, ilaçin e paprovuar të malaries që ai kishte qenë duke promovuar si një trajtim për COVID-19 dhe se po merrte veten, përcjell Telegrafi.
Për muaj me radhë ai kishte “flirtuar me virusin” ndërsa “refuzonte” distancën sociale në demonstrata dhe inkurajonte turmat gjatë daljeve nga rezidenca presidenciale, shpesh pa maskë.
Juan Orlando Hernández
Presidenti i Hondurasit njoftoi në qershor se ai dhe gruaja e tij kishin dalë pozitivë me virus, së bashku me dy njerëz të tjerë që punuan ngushtë me ta.
Hernández tha se ai kishte filluar atë që ai e quajti “trajtimi MAIZ”, një kombinim eksperimental dhe i paprovuar.
Ai u shtrua për pak kohë në spital dhe doli nga aty në korrik.
Hernandez ka qenë pjesë e zërave të shtuar në lutjet në rritje për qasje të barabartë në çdo vaksinë për COVID-19.
Alejandro Giammattei
Presidenti i Guatemalës tha se ai doli pozitiv për virusin në shtator.
“Simptomat e mia janë shumë të lehta. Deri më tani, kam dhimbje trupi – si një ftohje e keqe”, tha presidenti gjatë një fjalimi televiziv. “Unë nuk kam ethe, kam pak kollë”. Ai tha se do të punonte nga shtëpia.
Jeanine Anez
Virusi e çoi presidenten e përkohshme boliviane në izolim në korrik, por ajo tha se ndihej mirë.
Luis Abinader
Presidenti i sapozgjedhur i Republikës Dominikane kontraktoi dhe u shërua nga COVID-19 gjatë fushatës së tij.
Ai kaloi disa javë në izolim përpara zgjedhjeve të korrikut të vendit.
Udhëheqësit iranianë
Irani, epiqendra e shpërthimit fillestar të coronavirusit në Lindjen e Mesme, ka parë që disa zyrtarë të lartë të jenë pozitivë.
Midis tyre janë nënkryetari i lartë Eshaq Jahangiri dhe nënkryetari Massoumeh Ebtekar.
Anëtarët e kabinetit kanë rezultuar pozitivë gjithashtu. Në shkurt, Irani mohoi për ditë të tëra që virusi ishte në vend.
Pasi u përpoq të mbyllej, Irani ka rihapur kryesisht ekonominë e tij edhe kur rastet dhe vdekjet po rriten më shumë. /Telegrafi/