Kryetari i Kuvendit Talat Xhaferi firmosi sot aktin e shpalljes së zgjedhjeve presidenciale nw Maqedoninë e Veriut.
Xhaferi kërkoi zgjedhje të lira dhe demokratike të cilat sipas tij do të jenë kyç që vendi të marrë datë për fillimin e negociatave me BE-në, raporton Alsat-m.
Sipas Kushtetutës dhe afateve të parapara, raundi i parë i zgjedhjeve presidenciale do të mbahet më 21 prill, ndërsa i dyti më 5 maj.
Kandidatët duhet të paraqiten deri më 21 mars ndërsa fushata zgjedhore do të fillojë më 31 mars.
Së bashku me zgjedhjet presidenciale do të mbahen edhe ato
lokale për komunat e Ohrit, Dibrës dhe Novo Sellës.