Në një kohë kur presidentët e klubeve, apo anëtarët e Ligës Profesionistë janë përçarë, siç edhe ndodh rëndom në organizime “alla shqiptarçe”, duket se tashmë edhe klubeve po u soset durimi. Ndaj edhe me shumë gjasa bojkoti pritet që të marrë fund…
Europa përfundoi dhe Skënderbeu gjeti marrëveshje për borxhet me lojtarët e huaj që mund t’i bllokonin merkaton, ndaj edhe tashmë kampionati pritet që të rifillojë. Me shumë gjasa fundjavën që vjen, pra në atë të 17 tetorit. Madje, mund të fillojë edhe Kategoria e Parë me shumë mundësi.
Duke pasur parasysh faktin se Qeveria nuk po luan nga “istikami”, klubet nuk kanë ndërmend që të presin edhe më gjatë, dhe tashmë ato kanë filluar që të bëjnë mirë llogaritë e tyre…