Partia e Punëtorëve në Korenë e Veriut ka festuar sot 75-vjetorin e krijimit të saj. Diktatori i Koresë së Veriut Kim Jong Un, gjatë fjalimit ka shprehur, mirënjohjen e tij për qytetarët të cilët nuk janë infektuar me koronavirus, dhe deklaroi se virusi nuk mund të parandalohej pa socializëm.
Për të festuar 75 vjetorin Kim Jong Un, ka bërë një paradë ushtarake duke zbuluar kështu disa nga armët më të fuqishme në botë. Ndër to ishe edhe raketa ICMB, e cila deklarohet se është më e madhja dhe më e fuqishmja në botë. Parada ushtarake zgjati për rreth 2 orë, ku në të u tregua arsenali bërthamor i Koresë së Veriut.
Përvjetori i partisë së vetme në vend po festohet nga një seri koncertesh dhe festivalesh. Gjithashtu sot Kim Jong Un tha kriza mes Koresë së Veriut dhe asaj të Jugut do të kapërcehej së shpejti dhe se dy popujt do të bashkoheshin.
Sipas ushtrisë së Koresë së Jugut, parada u zhvillua gjatë natës dhe nuk dihet arsyeja përse është mbajtur në këtë orë. Ndërkohë nuk është lejuar të marrë pjesë në këtë paradë asnjë media e huaj.
