Një ngjarje e rëndë ka shokuar Serbinë ditën e sotme. Një 55-vjeçar, me aftësi të kufizuara kishte fshehur vdekjen e motrës së tij, duke e mbajtur për më shumë se dy muaj brenda shtëpisë. 62-vjeçarja, Vesna Rajić nuk ishte parë më nga fqinjët, duke ngjallur dyshime. Kur ata pyesnin të vëllanë e saj, ai u përgjigjej shkurt se Vesna ishte sëmurë dhe ishte shtrirë në shtrat. Por me kalimin e ditëve në zonë ndjehej një erë e keqë, e cila shtyu fqinjët që të lajmëronin Policinë.
Efektivët e Policisë e gjetën 55-vjeçarin në një park lojrash dhe e pyetën për të motrën. Pikërisht pyetja e efektivëve bëri që ai të shpërthente në lot dhe të tregonte gjithë të vërtetën.
“E pyeta se ku ishte Vesna dhe ai i tha asaj të flinte në shtëpi. I thashë të ndalonte gënjeshtrën sepse u futëm në shtëpi dhe e gjetëm të vdekur. Aty ai filloi të qante dhe e pranoi se e motra i kishte vdekur. Ai tregoi se pësoi vdekje natyrore në korrik, dhe ai pësoi shok nga ndodhia. I frikësuar nga trupi i pajetë i të motrës, ai tha se vetëm e mbuloi dhe i mbylli derën. Gjithë kohën përsëriste: “Nuk dua të shkoj në burg” dhe nisi që të ikte, por unë dhe kolegu im arritëm që të kapnim,”-tha një punonjës policie.
Sipas banorëve të zonës, vëllai i Vesnës nuk është i rrezikshëm. Tri vite më parë ai jetonte me vëllanë e madh, i cili vdiq në spital, dhe më pas nisi të jetonte me Vesnën. Tanimë trupi i dekompozuar i Vesnës është dërguar në morg për të zbuluar edhe shkakun e vdekjes.