Gjykata e Shkodrës mori masën ‘arrest me burg’ për Rrok Pepaj, babai i Danjel Pepaj, ky i fundit autori i dyshuar i vrasjes së Vilson Çutaj dhe Klement Pepaj. Mësohet se Rrok Pepaj ka mohuar se ka lidhje me bashkëpunimin e kultivimit të kanabis sattiva.
Rrok Pepaj tha se ai ka dalë në mal me policinë thjeshtë për të kërkuar dhe në mënyrë rastësore kanë gjetur parcelën dhe dy kufomat.
“Nuk kam patur dijeni për parcelën sepse në mal kam mbajtur bagëti dhe kam mbledhur boronica. Unë thjeshtë e njoh si zonë pjesën malore por nuk e kam ditur se ku ka parcela. Di faktin që djali im ka patur një ngatërresë dhe se e kanë rrahur. Djalin tim se kam parë prej disa ditësh dhe di vetëm që janë ngatërruar dhe se e kanë rrahur disa persona. Unë nuk kam asnjë faj dhe nuk kam lidhje me këto pune sepse une jam i semure dhe kam edhe gruan të sëmurë.”, pohoi Rrok Pepaj.