Qeveria miraton planin me të fundit të Qendrës Historike dhe zonën e mbrojtur të qytetit të Shkodrës.
Lajmin e ka bërë të ditur deputeti Ilir Beqaj i cili thekson se qendra historike është pjesa më e vyer e qytetit, si ansambël monumental me vlera historike, urbanistike, arkitektonike dhe ambientale.
“Zonimi i ri së bashku me Planin për ruajtjen, mbrojtjen dhe administrimin e Qendrës Historike dhe zonës mbrojtëse të saj është një kontribut i ri cilësor për ruajtjen e vlerave historiko- kulturore, mbrojtjen, restaurimin dhe mirëadministrimin e vlerave të trashëgimisë kulturore të Shkodrës por, pa dyshim, do jetë edhe një shtysë për zhvillimin e mëtejshëm të turizmit kulturor”, thekson Beqaj.
