Bashkia e Klosit vazhdon përmirësimin e infrastrukturës rrugore në njësinë administrative Xibër. Prej disa ditësh ka nisur rehabilitimi i aksit rrugor në lagjen Splaj të fshatit Xibër Hane në këtë njësi administrative.
Po punohet për shtrim rruge, zgjerim bankinash si dhe hapjen e kanaleve anësore. Rehabilitimi i rrugëve nëpër fshatra do të vijojë në të gjitha njësitë administrative.
Po ashtu, bashkia Klos ka përfunduar rehabilitimin e rrugës së fshatit Shkallë, të njësisë administrative Xibër. U bë i mundur shtrimi dhe rehabilitimi i rreth 2 km segment rrugor i këtij fshati.
Përmirësimi i infrastrukturës në Xibër u shërben qindra banorëve për lehtësimin e lëvizjes si dhe lidhjen më fshatra të tjerë të bashkisë.
Rehabilitimi i rrugëve nëpër fshatra do të vazhdoje të jetë një ndër prioritetet kryesore të kryetarit të bashkisë, Ilmi Hoxha. Puna do të vijojë në çdo rrugë të çdo njësie administrative që do të kenë nevojë për ndërhyrje. /atsh/
