Ndeshjet e sotme në Ligën e Kombeve kanë dhuruar rezultate shumë interesante, sidomos në Grupin 4 të Ligës A, ku as Spanja e as Gjermania, pretendente për ta fituar, nuk kanë siguruar dot tre pikët.
Spanjollët janë mundur nga Ukraina, me golin e Tsigankov që vulosi rezultatin e kësaj sfide pak minuta para fundit. Ndërkohë; Gjermania u ndal në shtëpi nga Zvicra, me të cilën kishte barazuar edhe në ndeshjen e parë. Këtë herë u regjistrua një barazim spektakolar 3-3, me ekipin vendas që u detyrua të ishte vazhdimisht në ndjekje ndaj helvetëve në radhët e të cilëve u aktivizua nga minuta e parë Xherdan Shaqiri.
Sa i përket Ligave të tjera, bie në sy suksesi 2-1 i Luksemburgut në fushën e Malit të Zi, që duhej të ishte skuadra dominuese e grupit pas tre fitoreve. Luksemburgu kësisoj ngjitet në kuotën e 9 pikëve, po aq sa Mali i Zi, por me një bilanc më të mirë në ndeshjet direkte. Nëse fiton grupin, Luksemburgu do të bënte një arritje historike, pasi do të ngjitej në Ligën B të turneut.
NDESHJET
LIGA A
Gjermani-Zvicër 3-3
28′ Verner, 55′ Havertz, 60′ Gnabri /5′, 57′ Gavranoviç, 26′ Frojler
Ukrainë-Spanjë 1-0
76′ Tsigankov
LIGA C
Azerbajxhan-Qipro 0-0 (e përfunduar)
Mali i Zi-Luksemburg 1-2
LIGA D
Letoni-Maltë 0-1 (e përfunduar)
Ishujt Faroe-Andorra 2-0
Lihtenshtejn-San Marino 0-0