Këngëtari Christopher Cross ka folur së fundmi për eksperiencën e tij të vështirë me koronavirusin.
Në një intervistë të transmetuar këtë fundjavë në “CBS Sunday Morning”, 69-vjeçari tha se ka përjetuar momete shumë të vështira pasi ai dhe e dashura e tij morën virusin. Sipas Cross, ata të dy rezultuan pozitivë pasi u kthyen nga një udhëtim në Mexico City.
Ndërsa çifti ishte sëmurë për rreth tre javë, ai tha se ndihej mjaft mirë për të dalë për pazar ushqimesh në prill, por kur u kthye në shtëpi këmbët e tij u dorëzuan. Cross tha se mjekët e diagnostikuan atë me Sindromën Guillain-Barre, një çrregullim i rrallë neurologjik, në të cilin sistemi imunitar sulmon nervat, gjë për të cilën ata besonin se ishte shkaktuar nga Covid-19
“Unë nuk jam më njeri i famshëm, por është e rëndësishme që njerëzit të dinë që mund ta marrin këtë sëmundje lehtësisht. Kështu ndjeva se kisha një lloj detyrimi për ta ndarë me njerëzit”
Fituesi i Grammy-t, i njohur për hitet përfshirë “Sailing” dhe “Ride Like The Wind”, tha:
Cross tha se ai vazhdon të luftojë për t’u rikuperuar dhe tha se të folurit dhe kujtesa e tij janë prekur gjithashtu. Fatmirësisht ai nuk e ka më të nevojshëm përdorimin e karrocës, mirëpo ende i duhen patericat për të lëvizur.