Policia e Kukësit bën të ditur se gjatë kontrolleve në lokale e bar kafe, në një prej tyre në Has janë gjetur katër kompjuterë, njëri prej të cilëve me programe bastesh sportive, si dhe është konstatuar një i punësuar në mënyrë të parregullt.
Policia bën të ditur se është shpallur në kërkim pronari i lokalit, J.Sh.
Në vijim të veprimeve u arrestua në flagrancë shtetasi I. M., 45 vjeç, banues në Krumë, Has dhe u shpall në kërkim pronari i subjektit, shtetasi J. Sh., 41 vjeç, banues në Krumë, Has.
Materialet procedurale i kaluan Prokurorisë pranë Gjykatës së Shkallës së Parë Kukës, për veprat penale “Organizimi i lotarive të palejuara”, “Punësimi i paligjshëm”, “Fshehja e të ardhurve” dhe “Vënia në dispozicion e lokaleve për lojëra të palejuara”.
Shërbimet e DVP Kukës, në vijim të punës për goditjen e aktivitetit të paligjshëm të lojërave të fatit, kanë ushtruar kontrolle në lokale e ambiente të ndryshme.