Dënimi i Dritan Dajtit vetëm me 25 vite burg duke e shpëtuar atë nga burgimi i përjetshëm ndonëse vrau katër efektivë policie, ka nxjerrë qeverinë në një deklaratë të posaçme.
Ministrja e Drejtësisë Etild Gjonaj dënoi në konferencën e sotme gjyqtarët të cilët dhanë vendimin për Dritan Dajtin, ndërsa paralajmëroi edhe nisjen e hetimeve.
Gjonaj i bëri thirrje Komisionit të Pavarur të Kualifikimit dhe Operacionit Ndërkombëtar që të kenë parasysh këto vendime që lirojnë bandat dhe të marrin masa ndaj gjyqtarëve që mundësuan uljen e dënimit.
Në deklaratën e saj, ministrja e Drejtësisë tha se mbështet Prokurorinë e Përgjithshme në qëndrimin e saj për ta ankimuar reduktimin e dënimit për Dritan Dajtin.