Tri ditët e fundit ministrja e Mbrojtjes Olta Xhaçka, njëkohësisht drejtuese politike e Partisë Socialiste për Qarkun e Dibrës është takuar me gratë e këtij rajoni.
Xhaçka vlerësoi kontributin e madh të grave të këtij qarku, për fitoren e Partisë Socialiste. Ajo i ftoi gratë matjaneve, bulqizake dhe dibrane të kontribuojnë për fitoren e mandatit të tretë nga ana e PS-së.
Po ashtu Xhaçka nënvizoi se Forumi i Gruas Socialiste duhet të përfshihet në një proçes të plotë rinovimi, për ta rritur atë jo vetëm nga ana numerike, por edhe nga ana cilësore.
Postimi i Xhaçkës:
Në Burrel, Klos, Bulqizë e Peshkopi ku dhjetëra gra e vajza po i bashkohen çdo ditë nismës #Edhe1. Falë insistimit të Partisë Socialiste, të vetmes forcë politike progresiste në vend, në Kodin Zgjedhor ligjërohet që 30% e anëtarëve të Kuvendit të ardhshëm do të jenë gra e vajza.
