Ish-deputetja e LSI Silva Caka ka sqaruar zërat se ish-deputeti Klevis Balliu, i cili sipas një deklarate të bërë nga deputeti Halit Valteri i është bashkuar LSI, ka thënë s një gjë e tillë nuk është diskutuar, ndërsa ka shtuar se e mirëpresin Balliun në partinë e tyre. duke iu referuar Valterit ka shtuar se i vjen keq të japë përgjigje për një person që nuk e konsideron fare.
“Jo nuk është diskutuar asgjë e tillë dhe besoj se mbeten vetëm zëra. Patjetër që e mirëpresim. As LSI as PD sdo ti bënte keq një figurë as si Silva Caka dhe as si Klevis Balliu. Secili e ka bërë një zgjedhje dhe këto janë thjesht zëra për të krijuar njëlloj amullie brenda opozitës. Më vjen keq që më duhet të jap një përgjigje për një person që se konsideroj fare (për Halit Valterin)“, ka thënë ajo.
Për kandidatët për deputetë që janë skualifikuar në PD tha se kanë pasur një kontribut në parti dhe se për shumë prej tyre qytetarët kanë kërkuar që të kthehen.
“Emrat e skualifikuar nga PD kanë kontribut në parti. Për shumë nga të skualifikuarit qytetarët kanë kërkuar kthim. Ne kemi pasur një proces deri diku të ngjashëm por me diferenca me PD. Ende është në vazhdim dhe nuk është përfunduar. Ne nuk kemi zhvilluar end ekonventën kombëtare. Ne kemi dhe një proces shtesë që është ai i vettingut. Deri tani vettingu nuk ka nxjerrë probleme”, shtoi Caka.