Kryetari i Bashkisë Mat Agron Malaj ka zhvilluar sot mbledhjen e radhës me Këshillin e Sigurisë Publike në këtë njësi vendore. Ai e vuri theksin në rritjen e kujdesit për parandalimin e Covid 19, frenimin e plotë të prerjes së pyjeve, mbrojtjen e mjedisit, ndalimin e ndërtimeve të paligjshme, rritjen e punës së Policisë Rrugore dhe asaj Bashkiake, bashkëpunimin ndërmjet institucioneve, organizatave joqeveritare dhe biznesit.
Mësohet se gjatë këtij viti në Bashkinë e Matit janë konstatuar 8 raste të zënies së hapsirave publike, janë ndërtuar 19 objekte, në 3 raste ka patur prishje të rendit e qetësisë publike, janë evidentuar 267 parkime të paligjshme, janë zgjidhur 17 pronësie, janë liruar 3 objekte shtetërore, janë kryer 15 operacione në bashkëpunim si dhe janë ekzekutuar 290 masa administrative.
Janë shuar sakaq gjatë këtij viti 67 varta zjarri në pyje dhe 29 vatra në kullota. Në një rast pati humbje jete.
Malaj kërkoi angazhim nga ana e të gjithë antarëve të Këshillit të Sigurisë Publike, për t’u ardhur në ndihmë qytetarëve në çdo kohë dhe në çdo pjesë të territorit të Bashkisë Mat.
