Bashkia e Durrësit ka miratuar në mbledhjen e sotme rritjen e tarifave mujore për transportin qytetas në Durrës.
Sipas anëtarëve të këshillit bashkiak, shkaku i rritjes së çmimeve kanë qenë ankesat e operatorëve privatë që kontrollojnë shërbimin e transportit publik, pasi sipas tyre ata dalin me humbje nga ky aktivitet.
Operatorët privatë kanë argumentuar se kjo rritje e çmimeve do të ndihmojë si nga ana teknike, por edhe ajo financiare.
Ata kanë propozuar ndryshimin e çmimit për një linjë nga 900 lekë në 1200 lekë, ndërsa aboneja e përgjithshme do të shkojë nga 1200 lekë në 1600 lekë. Ndërsa aboneja mujore studentore nuk do të ndryshojë, por do të vazhdojë të jetë 600 lekë.