Kreu i OBSH-së, Tedros Adhanom Ghebreyesus është vendosur në karantinë pasi ka rezultuar se ka pasur kontakte me një personqë ka rezultuar pozitiv me koronavirus.
Lajmin e ka bërë të ditur vetë kreu i OBSH, i cili në një postim në rrjetet sociale pohon se nuk ka shfaqur ende simptoma por për të garantuar që nuk do e shpërndajë virusin në rast se është bartës i tij, ka vendosur të futet në karantinë.
“Unë jam identifikuar si kontakt i dikujt që ka rezultuar pozitiv për # COVID19. Unë jam mirë dhe pa simptoma, por do të vetë-karantinohem gjatë ditëve të ardhshme, në përputhje me protokollet e OBSH, dhe do punoj nga shtëpia.”, shkruan Ghebresyesus në Twitter.
Është shumë e rëndësishme, thotë Ghebresyesus që të gjithë të jemi në përputhje me udhëzimet shëndetësore.
“Kështu do të thyejmë zinxhirët e transmetimit # COVID19, do të shtypim virusin dhe do të mbrojmë sistemet shëndetësore”.