Ish-presidenti Bujar Nishani ka dalë me një reagim të fortë në rrjetet sociale në lidhje me diskutimet ‘e nxehta’ për zgjedhjet e 25 prillit.
Sipas Nishanit, banditët dhe hajdutët ordinerë të Shqipërisë po na tregojnë se partia që merr qoftë dhe një votë më shumë se partitë e tjerra ka të drejtën të formojë qeverinë, pavarësisht se nuk është mazhorancë në parlament.
Sipas Nishani këtë të drejtë e ka vetëm partia që është mazhirancë në parlament, vetëm ajo mund t’i drejtohet Presidentit të Republikës që të mandatohet.
Postimi i plotë:
Banditët dhe hajdutët ordinerë që Shqipërisë dhe shqiptarëve ju ngulën në trup prej sektit të rilindsave, po na tregojnë se partia që merr qoftë dhe një votë më shumë se partitë e tjera, paska të drejtën të formojë qeverinë, pavarësisht se nuk është mazhorancë në Parlament !
Hahahahahahaaaaaaaa !!!!!!
Gangsterrë ordinerë, hajdutë perversë, oligarkë injorantë e të korruptuar, fundi i pisllëkut tuaj po afron me shpejtësi !
Të nderuar miq, propozimin tek Presidenti i Republikës se kush mandatohet për Kryeministër e bën mazhoranca parlamentare, pasi Parlamenti i ri është mbledhur, pasi janë verifikuar mandatet e deputetëve dhe pasi është zgjedhur Kryetari i Parlamentit.
Propozimin nuk e bën partia por mazhoranca parlamentare.
Vetëm ai propozim shqyrtohet nga Presidenti i Republikës, asnjë tjetër !
Kushtetuta është e shkruar qartë e pastër, e zeza mbi të bardhë !
Kryegangsterri dhe “rraketaket” që ka mbushur duart kanë vetëm një vend depozitimi pas 25 prill ! Të pariciklueshëm !
#TëRingremëShqipërinë