Një britanik ka vendosur 5 milion dollarë bast se presidenti Donald Trump do të dalë fitimtar nga zgjedhjet presidenciale që po zhvillohen sot në Amerikë. Ish-bankieri ka përdorur për të vendosur bastin një kompani të regjistruar në ishujt Karaibe dhe nëse Trump fiton do të marrë mbrapsht shumën prej 15 milion dollarësh.
Sipas ekspertëve të lojërave të fatit, ky është basti më i madh i vendosur ndonjëherë për fitoren e ndonjë politikani. Ndërsa në Amerikë është e paligjshme që të vendosen baste të tilla, krejt e kundërta ndodh në Mbretërinë e Bashkuar dhe në vende të tjera.