hefja e Infektivit Najada Como ka reaguar në lidhje me deklaratat e kreut të PD, Lulzim Basha që bëri ditën e sotme gjatë takimit me farmacistët ku u tha se ilaçi Remdesiviri blihet vetë nga pacientët.
Në një status të publikuar në Facebook, Como ka hedhur poshtë deklaratat se Remdesiviri, kostoja e të cilit arrin në 3000 euro për 6 flakonë, blihet nga vetë pacientët, duke u shprehur se po e japin dhe falas për disa kategori pacientësh.
Postimi i plote i Najada Comos:
“Ne jemi çdo dite, çdo ore ne krye te detyres dhe pacientet tane e dine me mire se askush kete gje. Po perdorim terapite e mjekimit, si kudo ne bote qe jane falas per pacientet. Edhe Remdesivirin, e kemi dhe e perdorim ne paciente specifike, sipas protokolleve boterore.Te thuash qe Remdesiviri blihet nga pacientet tane eshte jo vetem genjeshter, por lendon perpjekjet e nje ekipi mjekesh dhe infermieresh qe prej 8 muajsh jane pa gjume ne sy me perkushtimin maksimal per te shpetuar jete. Ju premtoj te nderuar qytetare qe do jemi per ju, per tju sherbyer deri ne fund! Ju na ndihmoni duke respektuar rregullat e higjienes, maskes, distancimit! Se bashku do t’ia dalim”, tha Çomo.