Javën e ardhshme do të nisin sërish grumbullimet e kombëtareve të cilat kanë impenjimet e muajit nëntor. Përjashtim, nuk bën as Kosova që në muajin nëntor ka në program tre ndeshje për të zhvilluar, teksa e para është ndeshja “vëllazërore” me Shqipërinë më datë 11 nëntor, e më pas vijnë dy sfidat për Ligën e Kombeve ndaj Moldavisë dhe Sllovenisë.
Trajneri Bernard Shaland ka publikuar edhe listën e të grumbulluarve për këto takime, teksa në të ishte i përfshirë edhe emri i Milot Rashicës. Por, sulmuesi nuk do të vijë, kjo pasi është klubi i Verder Bremen që ka vendosur “veton” dhe nuk lejon futbollistët të grumbullohen me kombëtaret përkatëse pasi në të kundërt, në kthim do t’iu duhet të bëjnë dy javë karantinë.
Kështu, me rregullat e ndryshuara në këtë periudhë, klubet janë ato që marrin vendimin final për futbollistët e në këtë formë Dardanët sërish do të duhet të qëndrojnë pa një nga më të mirët e organikës.