Sulejman Starova mendon se Tirana ka shumë arsye për të festuar në këtë javë të parë pas fitores me Kukësin. Në studion e “Pressing” ai theksoi se për të kishte qenë një gabim i madh i gjyqtarit në ndeshjen kundër Teutës, duke i mohuar asaj fitoren.
“Tirana ka tre arsye për të festuar. E para se mori pikë të vlefshme ndaj një kundërshtari direkt në kampionat. E dyta se kishte mungesa shumë të rëndësishme që tregon se grupi funksionon. Së treti, shkëputet me dy pikë nga kundërshtarët kryesorë. Përveç pikëve ka edhe moralin, nëse skuadrat stopojnë edhe këtë javë, atëherë Tirana shkëputet.
Teutën e sakatoi gjyqtatin që në javën e parë. Ishte nëj gafë e një njeriu që di të drejtojë ndeshje. Them sakatoi se kur nuk jep penallti, merr katër një gjyqtar. Nëse ti për mirë apo për keq nuk akordon penallti, ti shkon në zero. Nuk duhet të fillojë që në javën e parë me penallti që nuk i kanë dhënë, si do ta shpjegojë ai atë penallti? I ikën pikët Teutës”, tha Starova.