Gara e ngushtë mes Donald Trump dhe Joe Biden, po shoqërohet me kontestime të forta. Presidenti, në disavantazh si në votën popullore, ashtu edhe në votat elektorale, akuzon demokratët për manipulim të votave të hedhura me postë.
Biden i hedh poshtë akuzat, dhe kërkon numërimin e çdo vote. Situata është e tensionuar, teksa në shumë qytete ka pasur protesta të mbështetësve demokratëve dhe republikanë.
Analistët janë të sigurt se sido që të dalë rezultati, ai do të certifikohet vetëm nga Gjykata e Lartë. Një situatë e ngjashme ndodhi në presidencialet e vitit 2000.
Republikani Xhorxh W.Bush fitoi zgjedhjet në Florida me vetëm 537 vota. Rivali demokrat Al Gor bëri një padi në gjykatën e shtetit, duke kërkuar rinumërimin e votave.
Procesi u zvarrit për më shumë se 5 javë. Afatet kushtetuese po skadonin, dhe në fund Gjykata e Lartë vendosi ndërprerjen e rinumërimit, duke e shpallur fitues Bushin.
Nuk dihet se sa do të zgjasë saga zgjedhore këtë vit. Republikanët shpresojnë shumë tek Gjykata e Lartë, ku ata kanë 6 gjykatës të zgjedhur prej tyre, ndërsa demokratët vetëm 3.