Pedagogu i njohur, Endri Shabani, tha gjatë një interviste në “Shqipëria Live” se sipas tij, Noizy nuk duhet që të merret si shembull suksesi pasi i këndon drogës dhe nuk duhet të jetë në librat shkollor.
“Nuk kam ndryshuar mendim për Noizy-n dhe gjithë zhurmuesit e tjerë. Noizy i bën këngë drogës, më shqetëson modeli që i ofron fëmijëve, nxënësve. Promovimi i një modeli që është i dëmshëm. Nuk duhet të kesh shije të hollë arti për ta kuptuar këtë”, tha Shabani.
Por moderatorja e njohur, Aulona Musta, e ka kundërshtuar Shabanin, pasi sipas saj, Noizy është një shembull suksesi.
“Kam punuar për shumë vite në median rozë dhe e di jetën e tij. Ka qenë emigrant në Angli dhe e ka nisë nga zero, hiçi. Ka ndërtuar një karrierë të suksesshme, ka studion e tij muzikore dhe ka promovuar shumë artistë të rinj. Shumë këngëtarë kanë drogën në tekstet e këngëve dhe në jetën e tyre”, tha ajo.
Ndërkohë e pyetur nëse duhet që të promovohet në librat shkollorë, Aulona tha se për këtë nuk di si të përgjigjet.
“Pse mos të promovohet Avni Mula”, e pyeti moderatorja?
“Pse duhet të qëndrojmë gjithmonë tek Avni Mula, Vaçe Zela? Duhet që të promovojmë edhe brezin e ri. Artistët janë personazhe që shpeshherë nuk kanë realitetin e tyre në tekstet muzikore. Këtu duhet të hyjë mësuesi apo prindi që t’i sqarojë më shumë fëmijës atë që është shkruar në libër”, shtoi Musta.