Donald Trump ende nuk njeh rezultatin e zgjedhjeve presidenciale në SHBA, ku fitues është shpallur Joe Biden. Ish-presidenti i SHBA-ve në disa postime që ka bërë në rrjetin social Twitter, insiston se në shumë shtete të vendit nuk janë numëruar në mënyrë të saktë votat. Ai thotë se mbështetësiit e tij po gjejnë prova në lidhje me manipulimin e votave dhe sipas tij kur faktet, të bëhen publike do të jenë tronditëse.
Ndër të tjera, ai bënë të ditur se Pensilvania, i ka ndaluar që të rinumërojnë zgjedhjet dhe sipas presidentit në detyrë kjo gjë është e paligjshme.
“Nevada po rezulton të jetë një gropë e votave të rreme.@mschlapp & @AdamLaxalt po gjejnë prova që, kur të publikohen do të jenë absolutisht tronditëse! Georgia do të jetë një fitore e madhe presidenciale, siç ishte natën e zgjedhjeve. Pensilvania na ndaloi që të shihnin procesin e numërimit. Gjë kjo e paimagjinueshme dhe e paligjshme në këtë vend.Wisconsin duket shumë mirë. Duhet pak kohë statutorisht. Do të ndodhë së shpejti! Reince Priebus, Sean Duffy.”- shkruan Trump.
Dy ditë më parë, mediat projektuan fitues të zgjedhjeve kandidatin demokrat Joe Biden, falë 20 votave elektorale që mblodhi në vendlindjen e tij, në Pensilvani, duke u bërë presidenti i 46-të i vendit. Zgjedhjet në SHBA u zhvilluan më 3 nëntor, ndërkohë që numërimi i vullnetit të popullit zgjati disa ditë. Deri në shpalljen e rezultatit, dy kundërshtarët ishin në një garë të ngushtë kundrejt njëri-tjetrit.