E ardhmja e Kristiano Ronaldos ka nisur të diskutohet shumë duke qenë se portugezit me Juventusin i skadon kontrata në vitin 2022 dhe deri tani nuk ka sinjale rinovimi. Mbetet për t’u parë, teksa shumë klube në njohje të situatës kanë nisur të mendojnë për një transferim të luzitanit. PSG dhe Mançester Junajtid janë në linjë të mirë.
Francezët kanë paratë, ndërsa anglezët mund të kenë më pak para për të ofruar, por mund ta bëjnë nostalgjik CR7. Megjithatë, nga Anglia, ka edhe një tjetër mundësi për Ronaldon. Kështu, mendon kapiteni i Uatford, Troi Dinej, i cili e këshillon sulmuesin të kalojë te Uolverhempton. Sipas tij, “Ujqërit” kanë një projekt serioz për të ardhmen.
“Nëse kalon në Premier League, shko te Uolverhempton. Mendoj se Uolverhempton por ndërton një strategji serioze të bëhet një nga më të mirat në vitet e ardhshme dhe mua më pëlqen projekti i tyre”, u shpreh Dinej.