Policia e Tiranës ka dhënë njoftimin zyrtar në lidhje me ngjarjen e rëndë që ndodhi pasditen e sotme, ku një person mori flakë. Sipas njoftimit, personi ka ndërruar jetë, si pasojë e djegieve të shumta që mori.
Hetimet për ngjarjen vijojnë, ndërkohë sipas policisë, personi në fjalë, ka marrë flakë nga pakujdesia.
Njoftimi i policisë Tiranë
Informacion paraprak. Me datë 12.11.2020, rreth orës 18:18, tek bulevardi “Zhan D’ark’, një person ende i paidentifikuar, dyshohet se nga pakujdesia, ka marrë flakë edhe për pasojë ka ndërruar jetë. Grupi hetimor ndodhet në vendngjarje dhe po punon për identifikimin dhe sqarimin e rrethanave të ngjarjes.