Një 20-vjeçare ndërroi jetë në orët e para të mëngjesit, pasi kishte lindur foshnjëne saj një ditë më parë. Familjarët kanë akuzuar bluzat e bardha, por spitali i Gjirokastrës ka reaguar përmes një deklarate lidhur me këtë rast.
Në këtë reagim thuhet se ajo ka pasur komplikacione të rënda dhe se mjekët nuk e kanë neglizhuar rastin.
Lexo edhe- E rëndë në Gjirokastër, 20-vjeçarja humb jetën pas lindjes së foshnjës
NJOFTIMI I PLOTE
Spitali Rajonal i Gjirokastrës i shpreh ngushëllimet familjarëve për humbjen e të ndjerës, 20 vjeçares me inicialet K.M., e cila është trajtuar në këtë spital mbrëmjen e djeshme.
Menjëherë sapo është paraqitur në spital 20 vjeçarja është asistuar nga mjekët dhe ka sjellë në jetë foshnjen e saj shëndoshë e mirë.
Pas ndërhyrjes operatore, e reja ka patur komplikalcione të rënda dhe megjithë përpjekjet e mëdha të stafit mjekësor nuk ka arritur të mbijetojë.
Pritet të kryehet ekspertiza mjekoligjore për ngjarjen.
Spitali i Gjirokastrës siguron qytetarët që stafi i kualifikuar i spitalit tonë është në shërbim 24/7 për pacientët.