Vetëm kur menduam se superjahtet mund të mos jenë më ekstravagante, një tjetër project na lë pa fjalë.
Quhet Valkyrie, dhe është një mjet spektakolar me detaje luksoze dhe që mund të konsiderohet superjahti më i madh në botë.
Pjesa e tij më e mirë? Nuk duhet të jesh miliarder të hipësh në bord. Valkyire është punë e Chulhun Park, shefi dizenjator i Latitude Yachts, nga Letonia.
“Isha i vendosur të krijoja një jaht unik nga ana vizuale që do të ishte ndryshe nga flota e zakonshme”, ka thënë ai për CNN Travel. Ajo përfshin një kazino, një teatër, një galeri arti dhe një sallë konferencash që do të jetë e hapur për publikun.
“Pjesa më e madhe e njerëzve i konsiderojnë superjahtet si prona ekskluzive të miliarderëve që e tregojnë si pasuri të tyre. Megjithatë, kjo do të ishte në thelb një arkitekturë lundruese që mund të përdoret nga publiku”, ka vijuar Park.
Nëse do ndërtohet, ky mjet lundrues do të jetë më i madh se superjahti Azzam, që mendohet se është në pronësi të presidentit të Emirateve të Bashkuara Arabe.
