Zv.Kryeministri Erion Braçe thotë se qeveria s’ka asnjë plan për të lejuar sërish bastet sportive në vend. I ftuar në emisionin Përballë të gazetarit Lutfi Dervishi, Braçe sqaron:
“Kemi lejuar që këto kazino të jenë në hotele me 5 yje, vetëm atje. Pra ligji i 2018 kur u mbyllën lojërat e fatit apo bastet me ligjin e 2018 ka lënë veç këtë me kërkesë të ministrit të Ekonomisë së asaj kohe që shihte fluksin e investimeve në struktura hoteliere në vijën bregdetare apo edhe në qytete të mëdha siç është Tirana. Vetëm këtu, po nuk di unë që qeveria të ketë diskutuar që pas mbylljes. Tani mua më vjen keq, po nëse do të ketë kthim prapa unë nuk jam më në qeveri.” – tha Braçe.
Add A Comment