Nga Pogradeci, ku ka ftuar qytetarët ti bashkohen protestës së kësaj të shtune kreu i PD-së Lulzim Basha është shprehur se do të anulojë ligjin e pronës, i cili sipas tij tij heq shpronësimin me vlerë tregu.
“Ne kemi çuar në Strasburg kundërshtimin për ligjin e pronave. Nuk duhet kërkuar nga opozita atë që ka në dorë qeveria. Të garantoj e kam thënë dhe po e përsëris, Ligji që ata kanë bërë për të hequr kompensimin me vlerë tregu, është rishpronësim. Atë që e bëri Enver Hoxha para 60 vjetësh, e bën edhe ky Ligj. Në do ta rrëzojmë këtë Ligj dhe ne do t’ju dëmshpërblejmë me vlerë tregu. Ky është qëndrimi ynë. Ne e kemi shpallur”, tha Basha.
Ai shtoi se opozita ka pesë vjet që e thotë se ky ligj do të anulohet dhe qytetarët të dëmshpërblehen me vlerë tregu. “Ne jemi parti e pronës. Ju keni në dorë votën ne kemi në dorë ofertat politike. Më 16 shkurt eja edhe ti me pogradecarët e tjerë t’i bashkohesh protestës në Tiranë”, tha Basha.