Ditën e sotme është zhvilluar faza e intervistës për përzgjedhjen e hetuesve të BKH-së, ku 39 nga 55 kandidatët kanë arritur të kalojnë në fazën tjetër.
Pas kalimit të kësaj faze ata do të përballen me verifikimin e pasurisë dhe pastërtinë e figurës.
Kandidatët që do të tejkalojnë edhe ketë fazë, në fund do të përballen me makinën e së vërtetës.
Numri i kandidatëve që kanë arritur të kualifikohen deri më tani është mjaft i vogël, duke marrë parasysh që nuk kanë kaluar ende dy fazat më të vështira që janë justifikimi i të ardhurave dhe poligafi, ku pritet që numri të reduktohet ende.
Burime nga BKH, bëjnë me dije se gara do të rihapet sërish për të plotësuar 60 vende e Byrosë Kombëtare të Hetimit, e cila do jetë struktura që do hetoje zyrtarët e lartë të korruptuar dhe “kokat” e krimit.
Për të parë listën me kandidatët e kualifikuar, shikoni listën e kandidatëve që gjendet në LINK 1, bashkëlidhur. Kandidatët e kualifikuar janë të renditur sipas numrit rendor nga 1 deri 39.
Kandidatët e kualifikuar, do të plotësojn deklaratën e pasurisë dhe interesave private e kandidatit për pozicione të ndryshme në institucionet e sistemit të drejtësisë, që gjendet në LINK 2, bashkëlidhur.