Në emisionin “Top Talk” me gazetarin Denis Dyrnjaja, sociologu Gëzim Tushi shpjegoi pse shoqëria shqiptare ka një marrëdhënie kaq të komplikuar dhe të kontraktuar me seksin.
“Gjithmonë kemi pasur një marrëdhënie delikate me seksin sepse në shoqërinë tonë seksualiteti ka qenë sekret i frikshëm dhe vetëm element riprodhimi. Njerëzit martoheshin vetëm për riprodhim”, u shpreh Tushi.
“Ndrydhja dhe frustrimi i seksualitetit të së kaluarës u shoqërua me një shthurje të seksualitetit në kohën e sotme, për shkak të ndikimit të revolucionit seksual që në shoqërinë tonë erdhi shumë vonë”, shtoi sociologu.