Kryedemokrati Lulzim Basha ka pasur një përplasje të vogël me gazetarin Çim Peka. I ftuar në “Çim Peka live”, Basha u pyet se përse u kujtua një vit pas tragjedisë së 26-nëntorit që të fajësonte qeverinë për mosdalje ‘për zot’ të situatës.
Basha nisi të shpjegonte dhe të thoshte se atij nuk i bëjnë përshtypje kritikat nga rivalët politikë, si p.sh. kryeministri Edi Rama, pasi gjithçka bëhet për të hequr vëmendjen nga tragjeditë. Por, këtu e ndërpreu Peka, i cili i kërkoi që t’i përgjigjej drejtpërdrejtë pyetjes dhe jo të shmangej.
Kryedemokrati kërkoi më tej që të mos i ndërpritej fjala.
Pjesë nga debati:
Basha: Jo po ta mbaroj fjalinë
Peka: Dua të jem korrekt
Basha: Po më lë të mbaroj fjalinë, katër veta jemi këtu, s’e kemi me ngut bashkë…një pak duhet ta bëjmë tani, ç’është kjo, ti s’më lë të përgjigjem
Peka: Zoti Basha, duhet të jemi korrekt me publikun
Basha: Ore s’është çështja aty, unë mund të them që Peka është njeriu më korrekt në botë, por s’është kjo çështja, s’e zgjidh tragjedinë.