Ministrja e Shëndetësisë, Ogerta Manastirliu ka folur për vaksinën anti-Covid19. Ajo tha se nuk di ende një datë se kur mund të vijë në Shqipëri.
“Qeveria shqiptare nuk i ndalur punët në drejtim të vlerësimit të ofertave të tjera. Ne mund të blejmë edhe jashtë COVAX-it dhe mund të tërhiqemi, nëse gjejmë një opsion më të mirë. Komisioni Europian ka nënshkruar pesë kontrata. Nuk bëhet fjalë sot për doza, të parët janë grupet e rriskut dhen e kemi një strategji në raport me vaksinimin. Do fillojmë nga personeli shëndetësor, policët, etj. Ekspertët tanë kanë vlerësuar se fillohet me 20%. Kjo gjë kërkon edhe kohë, sepse varët nga vaksina, çdo vaksinë ka mënyrën e saj të ruajtjes. Ende nuk ka një datë gjithsesi,” u shpreh Manastirliu.